M'ïxäwyä'ämpy yï ta tuu'un (35 tuki'iyï)

mëj tsapwemp yë
may jë y´ujts,
mëj jë kipy
jats nekëm yï poj jam pyety

yïkxon ja yoots tsujkonë tijx
ku yë nats wën ejxëm jeky nekëm nayjäwëya´am

joon yë jë jiikx
ikxon yë tyëm yë pyëtsimy tsuukx jats majpx
amë kuxo´oxën yï yeeky ku ka yïk poot..
tsuunk yÏ pyijy

mutsk yÏ tijx
mookjëty yë pyëtyimy
jats jëëkxëkë jë mojk mëët jë xëjk
nuku wäy tik jaty ja moktëmt
ja yë pyëtyimy mëmäktu´uk po uk mëmakmajtsk po
ku ja moktsejkën tsyontäknë.

yïk jëëkxp yëpë ujts
oy ja´ayë nyëkë´ët yïk kumo´otst
may jëëp jï yëyë pyätë
kamjotp jï mäsë yïk päät.
ikxon yë majaty pyëtsimy ku jë jääy wyo´omtë.
namay jë jääy yï tooktë.

tsuu´ëp ja et jam eptsykëjxp
tutujk yaxp ja et jate´en kyaxi´iky

ikxon yë exyity tsëky jats mëj yaakt
ja´apë tsakäj yë miti tsoonp akätsjotp.
may jë yjiikx yikmë´ëy jats tum tsujxk ka´ ëy tsië´tsët.
muum je jääy yï tik atstë, tik tuntë.

nuku ujstpijy yë´
ijts´yëp yï yïk jiikx,
mayjëëp jë jyäjën tsëëkxën yë´
nëwëtëjtëyëp yë jë kuumyu´ uk jë serë.
pejkonë yë pyijy jats mëj yeeky.

xoj kijx yï pyëtsimy
pejk jats mëj yeeky
jate´en yë säm jë tëmt.
muum yï t´enk ätë, nayëte´en jë ku´ujy yït jiikx atë

xujxp ja et näxwiiny
jam tsapwemp nyaxkëtä´äky ja yoots
mëët ja tupoj