M'ïxäwyä'ämpy yï ta tuu'un (150 tuki'iyï)

Näxpatki´y yï jyujkyaty
ja´akëjxp ku jap nek yity
mëj yi yeeky jats oyë ti t´jiikx
exëm ja miny, mutsk jëyujk, jats nayëte´en oyëti pëstä´äk.
oyëmä yï wyëtity, jam yï kämjotp
uk nayëte´en tekjotp yïk pääty.

nayëte´en yë´ säm jë mu´
yïk jëëkxp, ujts jëëkxp nayëte´en, jats kaajkjë´kkp yë
majtsk jëëjp jë nyëjäjën yë: jë tsujxk uk jë jääm.
kämjetyyë mäsë yik pääty

yë pëxtsiä´äky wä´ yë tsiuntëp jë pëjx
oyëma yï tsiäkwëtetë, mäsë mä janäxwiiny tsimy apäk
nayëte´en muum ja ujts yïk nëtäkwëtetë ku ja et yats tu´uy.

Ja käj tsekë' mëët ja tsäjpts pä'äk tëy jëktsyë. Yïk jë'kxp yï të'ëts jïts nayïtë'ën yïk nëëj uuky

Yï tsapijxy nyajan mëjk y'ajo'kxëj ku xyuxy, yïk tuntëp yë' ja të'ëxyëjktëj jïts ja yä'äytyëjktëj

Tump yï mayjëjp, ja tsiuny ku ja pä'äk nëëj yïk kexy, jïts nayïtë'ën ja ji'ikxy pyä'äkët yjëjktsyït

Yë' ja majä'äyjtsyëjk ijty yïk tuntëp jëts ja tsymy ta patsëmtëj

Tump yë' jïts yïk tamä'äyejxët jëts ja pëktä'äky yïk ta apëkët, yïk pätp yë' mëj jïts mutsk

Yïk jë'ëkxp yë' ku pyä'äk ki'iy. Jam yë' yïk jakyepy jo'kx et jotp. Yä xaamkijxy apä'äjt yïk paaty

Yï tsäjpts kä'äk jam yë' yïk jakyëpy jo'kx et jotp, jantsy jë'ktsy yjäwë jëts yï pyäjk yïk tsëëyäjtp nayitën