M'ïxäwyä'ämpy yï ta tuu'un (150 tuki'iyï)

jam të pyetsimy uk të myu´tëkë ja nëëj mäj ja nääjx të jyä´äy xaapäät ka tsi´itsynyëm ja nëj.
waanjaty ja yë´ëy jats wä´äts pyëtsimy.
nayëte´en ja të yï kunuukxnë.
jam
- juquila santa maria tlahuitoltepec-

yïk jëëkxp yëpë ujts
oy ja´ayë nyëkë´ët yïk kumo´otst
may jëëp jï yëyë pyätë
kamjotp jï mäsë yïk päät.
ikxon yë majaty pyëtsimy ku jë jääy wyo´omtë.
namay jë jääy yï tooktë.

tsuu´ëp ja et jam eptsykëjxp
tutujk yaxp ja et jate´en kyaxi´iky

ja mëj kutunk miti nyëtanatsiëp jë kajp
xaamkëjxp.
tekäjtstëp tu´uk ämp ja po´
namyëyëtëp ja kyutujk, ja nyëky.
ja näxnëkutunk tëkajtstëp meet ja kutunk miti nyëtanëtëp ja pujx käjp.

ikxon yë exyity tsëky jats mëj yaakt
ja´apë tsakäj yë miti tsoonp akätsjotp.
may jë yjiikx yikmë´ëy jats tum tsujxk ka´ ëy tsië´tsët.
muum je jääy yï tik atstë, tik tuntë.

ja yë pyëtsimy ku ja et naxwiny yats tu´uy
kipykijy yë yäätsy.
mutskonë yï yeeky.

nuku ujstpijy yë´
ijts´yëp yï yïk jiikx,
mayjëëp jë jyäjën tsëëkxën yë´
nëwëtëjtëyëp yë jë kuumyu´ uk jë serë.
pejkonë yë pyijy jats mëj yeeky.

xoj kijx yï pyëtsimy
pejk jats mëj yeeky
jate´en yë säm jë tëmt.
muum yï t´enk ätë, nayëte´en jë ku´ujy yït jiikx atë

xujxp ja et näxwiiny
jam tsapwemp nyaxkëtä´äky ja yoots
mëët ja tupoj

ja yï pyëtsimy ku ja kipy të pyu´tnë
uk oyëp nayëte´en mä jë xoj miti tëtsnëp utsia´akyë
nayëte´en ku ja näxwiiny nek y´ity